鄭師奶好多時都會介紹呢個保健飲品俾d朋友，點解??好野僅係要介紹俾人啦!

係香港有好多人到中年或老年，都會出現膝腿痛等症狀，多數人都是因關節過度使用而老化。中醫認為，膝痛主要由於風、寒、濕、熱等外邪侵襲雙膝，導致氣血運行不暢所致，主要症狀有膝部肌肉、關節疼痛，或關節腫大灼熱等。而桑寄生有補肝益腎，強壯筋骨的功效，對風濕型的關節疼痛有一家的療效。

係裕華買o左一大盒都係$15,聽d朋友講佢o地試過$5盒....嘩!咁低..

盒上有教點煲....

打開...成盒樹枝

我通常都會咁煲
材料:桑寄生 大約一飯碗
紅棗:6粒
做法:將所有材料洗一次, 用十二婉水煲一小時, 即成

西鐵九龍南線通車後, 去新界西真係方便o左好多, 星期六同大少由紅磡去錦上路(錦田)只需15分鐘.
其實鄭師奶未去過錦田, o係網上check過, 錦田有個跳蚤市場, 只有星期六, 日及公眾假期先開, 所以就決定坐九龍南線去睇一睇.

o黎到錦上路西鐵站, 唔係好多人o係呢個站落車...


個跳蚤市場就o係西鐵B/C出口....

今日天氣好熱, 加上呢個跳蚤市場係露天, 真係熱..熱..熱;
呢度d貨其實冇"mu"特別...有幾檔有機食物, 但係佢賣的O野同我屋企附近有機舖頭賣的o野又差唔多...所以冇買, 想睇多D圖片可以上呢度睇http://www.yl.hk/ksrsm/

鄭師奶唯一買的...就係呢幾樽蜜糖

佢有得試...我同大少試完都覺得好正! 佢蜜糖清香味真係好過超級市場賣的某些牌好多, 而且又係用玻璃樽儲存....價錢係$136三樽, 果個SALE姐姐話只係呢度先至係呢個價錢, 唔知係唔係真的??下次入元朗門市睇O下!

近來天氣持續酷熱, 真是非常難熬！o係高溫之下, 心情容易煩燥, 所以大少經常會受罪^^"...! 呢d時候最好飲d滋陰降火的湯水; 花旗參跟螺頭同是滋陰清熱的食物, 煲出來的湯水, 味道甘甜清香, 有一定的降火作用, 渴多幾口, 煩悶心情立時消失, 功效甚為顯著.

花旗蔘螺頭湯是鄭家的家常湯, 所以雪櫃經常都會存放一點乾晒螺頭, 而鄭師奶特別喜愛乾晒紅螺頭, 貪其味濃而鮮甜, 每磅大約$2xx



材料:
瘦肉 $30
花旗蔘 3 錢
乾紅螺頭 6-8隻
海玉竹 5 錢
淮山 3 錢
蓮子 3 錢
陳皮 1 角
無花果 3粒

做法:
瘦肉飛水,
紅螺頭浸水十小時, 用姜蔥出水,洗淨剪半,
陳皮浸水半小時去囊,
無花果洗淨剪半,
淮山浸水半小時,
將所有材料放入煲內, 加2公升水, 煲1.5小時, 然後放入花旗蔘再煲半小時,落鹽調味即成

上次o係blog介紹過牛蒡的益處，今日行惠康時見到有新鮮牛蒡湯包，於是便買o黎試o下!



材料有
牛蒡
甘荀
佛手瓜
南北杏
蜜棗
粟米

湯包成為$2x，再買$35豬展骨
做法很簡單，將豬展骨洗淨出水(豬展骨唔係太鮮甜，下之用豬脊骨)，佛手瓜切一半，牛蒡切片，其他材料洗淨，將各材料放入煲內，注入3公升水，煲2.5小時，下鹽即成



湯味道好清甜，好香牛蒡味，唔錯^^

夏天個人容易困倦, 都係飲得多涷o野之故, 最好間中飲碗葛菜水去去濕火; 而家唔係好多地方有葛菜賣,今日行吉x島見到有葛菜水的湯包賣, 即刻買包試o下!

葛菜水可清熱利尿, 去濕火, 祛痰止咳，涼血止血。係坊間所謂的"骨火"其實即是濕火;濕火即是成日覺周身唔舒服、痠痛或燥熱的感覺。



呢個牌子的湯包都唔錯,材料都幾新鮮, 唔會係儲存o左好耐果d...買得過
湯包後面仲有教點煲, 不過我用十碗水煲1小時, 煲完約4碗水, 下鹽即成

味道都唔錯, 比起三不賣o緊係差d啦! 但隨時可以煲o黎飲都幾好, 價錢亦只是$15.x。

上次試整的薑汁撞奶大少略厭牛奶味唔夠濃, 要鄭師奶用日本牛奶試o下.

於是鄭師奶o係吉之島買o左呢隻奶..





撞完, 唔知成唔成功呢????


O奧!!.....失敗!!


不過....日本牛奶奶味始終都係冇水牛奶咁香!但點解只有X記高鈣低B奶先至可以凝結呢?????