高鈣三文魚骨湯

成日係吉之島都見到一包一包三文魚骨，價錢同三文魚頭一樣；
之前煲過三文魚頭湯, 味道都唔錯，今晚試o下煲三文魚骨湯。
一打開包三文魚骨， 一聞.....原來比三文魚頭腥好多，大少實唔鍾意，
突然之間好想將呢包o野掉入圾垃筒，但又覺好浪費..........!!!
唯有試o下落多d姜起鑊

材料: 大根 (白蘿蔔) 適量
三文魚骨 1 包
日本麵鼓醬 適量

薑 8片
蔥花 適量

步驟:
(1) 三文魚骨洗淨抹乾
(2) 大根刨皮洗淨， 切片
(3) 燒紅鑊，滾油， 落五片姜起鑊，慢火煎香三文魚骨

(4) 煲滾水, 放入三文魚骨， 三片姜， 大火滾30分鐘，

下大根，滾15分鐘，下日本麵鼓醬，再加小許蔥花，即成

**日常多吃白蘿蔔對身體非常有益；白蘿蔔味辛甘，性寒涼，功能清積滯，化痰熱，下氣寬中，解毒。

估唔到大少竟然話呢個湯比三文魚頭湯濃郁, 好飲, 又唔腥, 好彩冇掉到!!