補氣潤燥-----沙蔘玉竹海底椰瘦肉湯

星期六同大少去上環行古蹟, 行o下行o下...鄭師奶突然雙眼發光, 嘩!!...成條街都係賣藥材, 仲係又平又靚果隻!!!呢條街係...皇后大道西; 唔係果條出名的藥材街. 鄭師奶於是即刻掃街...結果買o左幾袋, 真係難為了大少...攞到手軟^^"唯有煲多D靚湯俾佢飲補數!!

係皇后大道西其中一間藥材舖買O左包湯包, 裹面有,沙蔘,海玉竹,海底椰,南北杏,無花果(呢隻無花果唔係鄭師奶平時買開果D,老板娘話可以即食,同埋冇防腐劑),都係$20


加O左..
瘦肉 $30
陳皮 1角

做法:
瘦肉飛水,
陳皮浸水半小時去囊,
所有材料洗淨,
將全部材料放入煲內, 加十碗水, 煲2小時,下鹽即可.

2個鐘頭後.....
d湯好清^^, 好多料...唔錯


^()^ 好飲呀! 每人飲o左2大碗...