夏天天氣又熱又濕，人容易困倦，可以多煲一些具有袪濕，清熱下火作用的湯水作調理.
粉葛是清熱解肌生津之品，去骨火外還可除濕火、關節痠痛、頸項強痛、體倦乏力人士都有幫助.

材料:
豬脊骨 $35
赤小豆 2兩
扁豆 1兩
陳皮 1角
蜜棗 2粒

做法:
1.豬脊骨洗淨出水
2.陳皮浸水一小時去囊
3.其他材料洗淨
4.將各材料放入煲內，注入適量水，煲3小時，下鹽即成

我屋企個大少呢排成日咳咳o下, 問佢"mu"事, 原來有舊痰o係個喉嚨...鄭師奶叫大少唔好食甜野會"野"痰, 睇大少的表情都係左耳入右耳出...!!!

桔梗, 杏仁(北杏), 川貝有潤肺化痰理氣的功效 (如果只作為保健湯水可去桔梗).


材料:
桔梗 三錢
川貝 一錢
杏仁 適量
無花果 1粒
陳皮 一角
瘦肉 $20

做法:

1.瘦肉洗淨出水
2.陳皮浸水一小時去囊
3.其他材料洗淨
4.將各材料放入燉盅內，注入適量滾水，燉3小時，下鹽即成

前幾日朋友CKo係個blog教整薑汁撞奶, 起初以為好難整; 按照CK的step做, 原來so easy.....成功後好開心, 仲好好味, 但大少就話唔夠甜, 鄭師奶就覺得ok! 不過下次整都會就返大少的口味加多DD糖!

CK!唔該晒...

材料..好簡單X記高鈣低B奶兩盒+薑汁+糖(兩人份量)
至於整法可以按照個ck blog的方法




講開薑又要講O下佢的功效; 好多時我O地只知姜用來調味或者去除腥味, 但其實薑有好多好處, 特別是女仕M前, 可以用薑煲片糖飲, 咁樣可以舒緩M來時的痛楚; 有些寒涼的蔬菜(如白菜)可加兩片薑去中和佢的性味; 實熱者就忌服。

生薑：性味辛溫，功能發汗解表，溫中止嘔，溫肺止咳。

呢排成日覺得自己條腰酸酸地，中醫認為"腰為腎之府"，所以腰部不適大多與腎有關; 杜仲的功效補肝腎，強筋骨;杞子有補腎養肝的功效，兩味藥加埋可以收相得益彰的功效。

材料:
杜仲 一兩
瘦肉 $35
杞子 三錢
紅棗 三粒
淮山 三錢
陳皮 一角

做法:

1.瘦肉洗淨出水
2,杞子, 淮山浸半小時
3,陳皮浸水一小時去囊
4.將各材料放入燉盅內，注入適量滾水，燉3小時，下鹽即成



杜仲煲湯其實唔係太好飲，但今次有紅棗及杞子的甜味，同埋鄭師奶落多O左瘦肉，所以都幾好飲，主要係大少都話好味 ^^..呢個湯適任何人仕飲用，不一定腎有事才可以飲，可作平日保健湯水。

今日開雪櫃見到包麵鼓就來到期,睇來都係要快d用o左它;諗諗o下不如就用蜆來滾個麵鼓湯。蜆(殼)有滋陰，化痰，軟堅的功效,但比較寒涼，平素脾胃虚寒，腹瀉便溏之人忌食;係唔係估唔到原來蜆都有咁的功效呢?其實每種食物都有佢的價值,只係我o地平時冇留意.


材料: (二人分量)
蜆 $15
軟豆腐 半件
日本蟹柳 5條
姜 2片
蔥花 適量
日本麵鼓 適量
木魚粉 1茶匙

做法:
1)蜆浸鹽水1小時
2)軟豆腐洗淨切粒
3)日本蟹柳切粒
4)開火落小許油於鑊,先爆香姜,下蜆爆一爆,贊小許米酒,落適量水;
5)水滾後下豆腐,煲5分鐘,然後落木魚粉及麵鼓,待滾後,下蟹柳及蔥花即成

今晚煲o左個好簡單又好好飲的湯.....青紅蘿蔔豬脊骨;雖簡單,但佢的功效卻不容忽視...

一般常見的蘿蔔有紅蘿蔔、青蘿蔔、白蘿蔔三色,論性味，以後兩者較寒涼，但寒涼並非一定不好。有時，體內熱盛，兼且食滯了，蘿蔔可算是特效藥。

　　有一個朋友問我吃白蘿蔔不是不好嗎?我問他為什麼?他說經常聽人說白蘿蔔會破氣,我看著他笑了一笑...其實現代都市人都是夜貓子，又愛吃肥膩、煎炸食物，破氣、消食積的白／青蘿蔔，正好是這種不平衡體質的剋星,正所謂"有病受之",這句說話是我一位教中醫的老師經常放在口邊的,如果體內積存太多的垃圾,是否應清理一下呢??

紅蘿蔔性平味甘，具健脾消滯、解毒透疹的功效。
白蘿蔔性涼味甘辛，具清熱生津，涼血止血，下氣寬中，消食化痰，利尿通淋的功效。
青蘿蔔性涼味甘辛，具有消積滯滞，化痰清熱，下氣寬中，解毒的功效；


材料:
豬脊骨 $32
青蘿蔔 1 個
紅蘿蔔 1 個
南北杏 適量
蜜棗 2 粒


做法:
1)豬脊骨洗淨飛水
2)青紅蘿蔔削皮洗淨切件
3)將各材料放入煲內,注入適量水, 煲3小時, 落鹽調味即成

很多人認為蜜糖只有滋潤的作用,卻忽略其潤腸通便、清熱解毒之功效，但有肚瀉、糖尿患者及血糖高人士則應避免。

現在市面上有很多不同品種的蜜糖,大部份人會對龍眼蜜認識深一些;其具有清熱利濕、寧心和脾、補血、安神的作用,的確對貧血及失眠的人有一定的作用。

鄭師奶其實想介紹一隻叫槐花蜜,它有清熱、去濕、利尿、涼血、止血之功效;為什麼會推介槐花蜜??因為槐花蜜對一些大便比較乾的人,有一定的益處.

在夏天的時候, 放二片檸檬加些蜜糖, 是一杯不錯的健康飲品 ^^

而家經常性都看到報章雜誌介紹牛蒡的益處，其實中醫並沒有將牛篣入藥，用的是其果實....牛篣子;牛篣子是疏散風熱常用的中藥，牛蒡則應該是根莖的部位.
中醫藥論壇曾討論牛蒡的功效,說其能降血脂，防便秘，對高血壓、糖尿病和直腸癌等有較好預防作用,並具有抗衰老、提高人體免疫力的功效;鄭師奶亦看過一些於大陸中藥網上刊登的文章,其說法亦類同.
既然牛蒡的好處這麼多,一向注重健康的鄭師奶又點會放過呢!

這罐牛蒡已買了一段時間,每次用二至三片沖水飲,味道一般;如果偶爾有便秘者,可加蜜糖.



今日因在街市買唔倒新鮮牛蒡,只好用乾品...

材料:
乾牛蒡(用新鮮會好味d) 12片
馬蹄 1斤
瘦肉 $35
無花果 2粒

做法:
1.乾牛蒡略洗
2.馬蹄削皮洗淨
3.瘦肉洗淨出水
4.將各材料放入煲內,注入適量水,煲2小時,下鹽即成

呢幾日天氣十分熱,大少成日開雪櫃睇o下有冇涷o野飲,因為喺夏天的時候,鄭師奶都會煲定d涼茶放在雪櫃俾大少飲,但是由印尼返o黎後,個人好懶,唔想郁....
在印尼時見大少生o左d粒粒,到而家仲未好返...於是鄭師奶就想起有清熱解毒及消腫散結功效的百花蛇舌草茶.

通常百花蛇舌草茶都會加埋半枝蓮一起煲...點解!!?
傳說一位死刑犯，在執行搶決前之前善心大發，將祖傳的癌症秘方流傳给世人，一種是"半枝蓮"，另外一種就是"白花蛇舌草"，不管傳說是真是假？這兩種草藥，的確是抗癌聖藥，值得推廣，一般人平時也可當清熱解毒青草茶飲用。

白花蛇舌草主要功效是清熱解毒、消腫散結、利尿除濕。
半枝蓮主要功效清熱解毒、利尿消腫，活血止痛。



材料:
新鮮半枝蓮 1扎($5)
新鮮百花蛇舌草 1扎($5)
片糖 適量

做法:
1.半枝蓮,百花蛇舌草洗淨(百花蛇舌草比較多泥沙,要洗多幾次)
2.將各材料放入煲內,注入5-6湯碗水(濃淡則視附水多小,可自行調整),煲2小時,落片糖即成

去左十日印尼,日日差唔多都係食肉,原來印尼人係唔鍾意食菜,搞到我同大少都去唔倒便便,好彩都俾我地見到有大蕉賣....結果日日都要食幾隻大蕉.

返到香港第一樣想食o既野係菜....
去到街市即刻就去買菜,見到d冬瓜幾靚,於是買左舊返去煲湯,我覺得冬瓜同瑤柱好夾,d湯清甜美味.

材料:
豬月展 $35
冬瓜 $6
瑤柱 4粒

做法:
1.豬月展飛水,
2.冬瓜連皮切件,
3.瑤柱浸一晚
4.將各材料放入煲內, 煲2小時, 落鹽調味即成